Uzum ekotizimining xodimlari kasbga, ish joyiga qanday kelganliklari va ofisdan tashqaridagi hayoti haqida.

Uzum haqida bugungi kunda, ehtimol, har bir O‘zbekistonlik bilsa kerak. Biz milliy ekotizimni qurayotgan va har kuni Uzum'ga ishga keladiganlar haqida bilib olishga qaror qildik.

"Men har doim o‘z mamlakatimning

rivojlanishiga yordam

berishni xohlaganman"

Uzum Tezkorda
Senior-dasturlovchi

Nodir
Latipov

Hozirgi kasbingizga bo‘lgan yo‘lingiz haqida so‘zlab bering. Qanday voqealar yoki qarorlar sizni ushbu kasbni tanlashga olib keldi?

Otam zavodlarni avtomatlashtirish tizimlarini ishlab chiquvchi edi. Shunday qilib, biz akam bilan dasturlash bilan bolaligimdayoq tanishganmiz. Biroq men iqtisodiyot sohasida oliy ma’lumot olganman. Dasturlashni 2018-yilda o‘rgana boshladim. O‘sha paytda akam bu sohada yetuk mutaxassis edi. Men unga MDU'da o‘qitiladigan kitoblar va video ma’ruzalar bo‘yicha shug‘ullanganman. Bir yil ichida men MDU'da ikkita kursni tamomladim va o‘qish paytida ish qidirdim. Shunday qilib, 2019 yil boshida Amerika startapida ishlay boshladim, keyin 2021 yilda EPAM'da ishlashni boshladim va keyin Uzum Tezkor'ga o‘tdim.

Odatda ish kuningiz qanday o‘tadi?

Ish kunlari odatda xotinim o‘g‘limni bog‘chaga, men esa qizimni maktabga olib borishim bilan boshlanadi. Shundan keyin men qahva ichgani boraman, ofisga kelaman. Bu yerda biz ish rejasini ko‘rib chiqamiz va vazifalarni taqsimlash uchun yig‘ilishga tayyorlanamiz.

Ish joyingizdan tashqarida qanday hobbi yoki qiziqishlar sizga ilhom beradi?

Malaka oshirish — hayotimning muhim qismi. Kunora men ingliz tili mashg‘ulotlariga boraman, shuningdek, tuzilmaviy ma’lumotlar algoritmlari bilan bog‘liq kurslarni o‘taman. Men bunga uzoq vaqt intildim va nihoyat, undan o‘rganmoqchi bo‘lgan odamni topdim.

Bolaligingizda kim bo‘lishni orzu qilgansiz?

Bolaligimda odamlarga yordam beradigan kishi — o‘t o‘chiruvchi yoki tez yordam shifokori bo‘lishni orzu qilardim.

O‘zbekistondagi sevimli joylaringizni (quvvat manbalarini) aytib bering.

Samarqanddagi Chor-chinor bog‘i bor — bu joyda men ilk bor o‘zimni juda xotirjam his etganman.

Sevimli musiqalaringizni ayting.

Linkin Park – Breaking the habit
Kentukki – Новый день

Uz

Uzum Nasiya loyiha ofisi rahbari

Sardor
Bayahmedov

Hozirgi kasbingizga bo‘lgan yo‘lingiz haqida so‘zlab bering. Qanday voqealar yoki qarorlar sizni ushbu kasbni tanlashga olib keldi?

Bolaligimda kompyuterlarni tuzatishni o‘rgandim, keyin saytlarni ishlab chiqish, dasturlash bilan qiziqdim — IT sohasi doimo men bilan bo‘lgan. Va mana yetti yildan ortiq vaqtdan beri men unda rivojlanyapman.
Men Rossiyada bakalavriat va magistraturani tamomlaganman. O‘zbekistonga kelganimda Paymart loyihasi (hozirgi Uzum Nasiya) paydo bo‘ldi, men unga loyiha menejeri sifatida qo‘shildim.

Odatda ish kuningiz qanday o‘tadi?

Ishga kelganimda qiladigan birinchi ishim kalendarimni ko‘rib chiqish. Juda ko‘p uchrashuvlar onlayn o‘tkaziladi. Biz hamkasblar bilan kichik brifing o‘tkazamiz, loyihalar bo‘yicha status-cheklar, shundan so‘ng men boshim bilan uchrashuvlarga kirib ketaman va eng yaxshi holatda ularni soat to‘rt-beshda tugataman, ba’zan tushlikni ham unutib qo‘yaman.

Ish joyingizdan tashqarida qanday hobbi yoki qiziqishlar sizga ilhom beradi?

Mening xobbim — bu mening ishim. Men ish lazzatli bo‘lishi kerak, degan fikrga qo‘shilaman. Shuning uchun bo‘sh vaqtimda ko‘proq o‘z ishimning o‘ziga xos xususiyatlarini o‘rganishga harakat qilaman. Har doim dolzarb ish kontekstida bo‘lish uchun men ishlab chiqish va IT infratuzilmasiga sho‘ng‘iyman.

Bolaligingizda kim bo‘lishni orzu qilgansiz?

Bolaligimda kosmonavt bo‘lishni orzu qilardim.

O‘zbekistondagi sevimli joylaringizni (quvvat manbalarini) aytib bering.

Mening quvvat manbam — bu mening uyim.

Sevimli musiqalaringizni ayting.

Queen – The show must go on
SpiderBait – Black betty

Uzum IT akademiyasida kurator

Javohir
Yunusov

Kasbga sizni olib kelgan yoʻlingiz haqida gapirib bering. Qaysi voqealar yoki qarorlar sizni ushbu karyerani tanlashga olib keldi?

Men bankirlikka o‘qiganman va bir vaqtning o‘zida Sinergiya nomli Moskva moliya-sanoat universitetida ishlaganman, u yerda xorijiy talabalar bilan bakalavriatga kuratorlik qilganman. O‘qishni tugatgach, Toshkentga qaytdim va Uzum haqida bilib qoldim. Kompaniyaning ishi menga juda yoqdi. Bu men uchun katta zarba bo‘ldi — butun mamlakat uchun inqilobiy IT-servis. Shunday qilib, men ushbu kompaniyaning bir qismi bo‘lishni va uning rivojlanishiga hissa qo‘shishni xohlayotganimni tushundim. O‘ylaymanki, bu loyiha va biz jamoa bilan qilayotgan ish shunchaki biznes emas, balki mamlakatimiz rivojiga hissa.
Men Uzum IT akademiyasida kuratorlik vakansiyasini ko‘rdim va bu sohada tajribam bor edi, bundan tashqari, men odamlar bilan muloqot qilishni, yordam berishni juda yaxshi ko‘raman. Bu go‘yo taqdir, mukammal tasodifga o‘xshardi. Men Moskvaga qaytib, magistrlik darajasini olish haqida o‘ylardim, lekin Uzum'ga ishga kirgandan so‘ng, bu yerda qolishni va kompaniya qilayotgan ishlarga aloqador bo‘lishni xohlayman, degan qarorga keldim.

Odatda ish kuningiz qanday o‘tadi?

Ofisimizning yoqimli bonuslaridan biri — bu juda qulay oshxona, u yerda biz choy damlaymiz, tanaffus qilamiz va keyin xotirjam o‘tirib ishlashimiz mumkin. Xabarlarga javob beraman, tekshiruv o‘tkazaman va kun uchun vazifalarni rejalashtiraman. Mening ishimning katta qismi onlayn tarzda amalga oshiriladi, shuningdek, akademiyadagi hamkasblarim va talabalar, shuningdek, talabalar va universitetlar vakillari bilan yuzma-yuz uchrashuvlar mavjud — biz OTM bilan hamkorlikni faol rivojlantirmoqdamiz.

Ish joyingizdan tashqarida qanday hobbi yoki qiziqishlar sizga ilhom beradi?

Murabbiy bilan fitnes bilan shug‘ullanaman. Men juda ekstravert odamman — tez-tez do‘stlarim bilan vaqt o‘tkazaman, odamlar bilan tanishaman, netvorkingni rivojlantiraman. Menga koreys madaniyati va urf-odatlari yoqadi, manxva — koreys komikslarini o‘qishni yaxshi ko‘raman.

Ishingiz bilan bog‘liq bir voqeani aytib bering

Yangi yil korporatividagi faollikni esimda qoldi — unda bizga sahnada chiqish va sevimli qo‘shig‘imizni ijro etishni taklif qilishgan edi. Tashkilotchilar kaver-guruhni taklif qilishdi va biz barcha hamkasblarimiz oldida haqiqiy xonandalardek kuyladik. O‘shanda men, darvoqe, rahbarim ajoyib mutaxassis bo‘lishidan tashqari, juda yaxshi qo‘shiq aytishini bilib oldim. Korporativlarda shunga o‘xshash ish qilishlarini hech qaysi tanishimdan eshitmaganman.

Bolaligingizda kim bo‘lishni orzu qilgansiz?

Men prezident bo‘lishni orzu qilardim. Katta bo‘lib, bakalavrning ikkinchi kursida odamlar bilan ishlashni, ularni o‘qituvchi yoki psixolog sifatida yuritishni xohlayotganimni tushundim.

O‘zbekistondagi sevimli joylaringizni (quvvat manbalarini) aytib bering.

O‘ylaymanki, bu "Grand Mir Hotel" mehmonxonasi, "Oybek" metro bekati atrofi, chunki men bolaligimni shu yerda o‘tkazganman, bu joy men uchun katta ahamiyatga ega va men u yerda o‘zimni yaxshi his qilaman. Biroq, joy emas, u yoki bu joyda men bilan birga bo‘lgan odamlar muhim deb hisoblayman.

Sevimli musiqalaringizni ayting.

Tom Grennan – Found What I've Been Looking For
OneRepublic – Counting Stars
OneRepublic – I Ain’t Worried (From «Top Gun: Maverick»)
Pigeon John – Touch the Stars
James Blunt – Heart to Heart

Uzum Market texnik qoʻllab-quvvatlash boʻlimi rahbari

Toxir
Vosiljonov

© «Любое использование либо копирование материалов или подборки материалов сайта, элементов дизайна и оформления допускается лишь с разрешения правообладателя и только со ссылкой на источник: www.repost.uz»

«Uzum milliy» рақамли экотизими — бу маркетплейс, ресторан ва дўконлардан етказиб бериш, молиявий технологиялар, бизнес учун сервислар, логистика ва бошқа кўплаб имкониятларни ўз ичига олади.

Kasbga sizni olib kelgan yoʻlingiz haqida gapirib bering. Qaysi voqealar yoki qarorlar sizni ushbu karyerani tanlashga olib keldi?

Men Rossiyadagi texnologiya universitetida biznes-informatika yo‘nalishida tahsil olganman. Menda hech qachon chet elda qolish rejasi bo‘lmagan — har doim o‘z mamlakatimda rivojlanish maqsadi bo‘lgan.

Uzum Market’ga qadar men O‘zbekistondagi raqamli banklardan birida ishladim, eng pastdan boshlab, application support — mobil ilovani qo‘llab-quvvatlovchi mutaxassis pozitsiyasiga yetdim. Men tajriba orttirdim va o‘zimni marketpleysda sinab ko‘rish orqali o‘sishni davom ettirishga qaror qildim.

Uzum Market’ga men sinov versiyasini ishga tushirish bosqichida kelganman. Men ishni texnik yordam bo‘yicha mutaxassis pozitsiyasidan boshladim. 9−10 oydan keyin bo‘lim boshlig‘i lavozimiga o‘tdim.

Odatda ish kuningiz qanday o‘tadi?

O‘g‘lim har kuni ertalab meni uyg‘otadi, chunki u hammadan oldin turadi. Nonushta qilaman, ba’zan ofisga boraman, ba’zan uyda yoki qahvaxonada ishlayman. Bizda qat’iy talablar yo‘q, asosiysi — targetlarni bajarish. Jamoamizda juda do‘stona muhit va soft skillar juda qadrlanadi. Bunday aura bilan jamoadagi barcha masalalar tezroq yechiladi.

Ish joyingizdan tashqarida qanday hobbi yoki qiziqishlar sizga ilhom beradi?

Mening sevimli mashg‘ulotim — videoo‘yinlar. Kechki ovqatdan so‘ng, ko‘pincha turmush o‘rtog‘im bilan birgalikda Xbox o‘ynaymiz. Bu juda tinchlantiruvchi va chalg‘ituvchi ta’sir ko‘rsatadi. Ba’zida hamkasblarim bilan tabiat qo‘yniga chiqib turamiz.

Bolaligingizda kim bo'lishni xohladingiz?

Men diplomat bo'lishni xohlardim.

O‘zbekistondagi sevimli joylaringizni (quvvat manbalarini) aytib bering

A. Temur xiyoboni, Qamchiq dovoni, Moviy Gumbazlar bog‘i, Telman bog‘i.

Назовите ваши любимые музыкальные треки.

Eminem – Mockingbird
Песни групп Любэ, Ялла